2012 සිංහල හා හින්දු අලුත් අවුරුදු චාරිත්‍ර
අලුත් අවුරුදු උදාව
අප්‍රේල් මස 13 වන සිකුරාදා අපර භාග 07.20ට
අලුත් අවුරුද්ද උදාවෙයි.
පුණ්‍ය කාලය
අප්‍රේල් මස 13 වන සිකුරාදා අපර භාග 12.56 සිට අප්‍රේල් මස 14 වන සෙනසුරාදා පූර්ව භාග 01.44 දක්වා (අප්‍රේල් මස 13 වෙනිදා මධ්‍යම රාත්‍රී 01.44) දක්වා පූණ්‍ය කාලය බැවින්, 13 වන සිකුරාදා අපර භාග 12.56ට පළමුව ආහාරපාන ගෙන සියලු වැඩ අත්හැර ආගමික වතාවත්වල යෙදීම ද , පුණ්‍ය කාලයේ අපර කොටස තුළ එනම්, 13 වන දින අපර භාග 07. 20 සිට 14 වන දින පූර්ව භාග 01.44 දක්වා පහත දැක්වෙන අයුරු වැඩඇල්ලීම, ගනුදෙනු කිරීම හා ආහාර අනුභවය ආදී අවුරුදු චාරිත්‍ර විධි ඉටුකිරීම ද මැනවි.
අප්‍රේල් මස 13 වන සිකුරාදා අපර භාග 07.42ට සුදු මිශ්‍ර ලා නිල් පැහැති වස්ත්‍රාභරණයෙන් සැරසී දකුණු දිශාව බලා ලිප් බැඳ ගිනි මොළවා ගිතෙල් සහ හකුරු මිශ්‍ර කිරිබතක් ද තල මිශ්‍ර කැවිලි වර්ගයක්ද පිළියෙල කරගැනීම මැනවි.
වැඩඇල්ලීම, ගනුදෙනු කිරීම හා ආහාර අනුභවය
අප්‍රේල් මස 13 වන සිකුරාදා අපර භාග 10.28ට සුදු මිශ්‍ර ලා නිල් පැහැති වස්ත්‍රාභරණයෙන් සැරසී දකුණු දිශාව බලා සියලු වැඩ අල්ලා, ගනුදෙනු කොට ආහාර අනුභවය මැනවි.
හිසතෙල් ගෑම
අප්‍රේල් මස 15 වන ඉරිදා පූර්ව භාග 07.08ට රන්වන් පැහැති වස්ත්‍රාභරණයෙන් සැරසී දකුණු දිශාව බලා හිසට ඉඹුල් පත් ද, පයට නුග පත් ද තබා තෙල් සහ ඉඹුල් පත් යුෂ මිශ්‍ර නානු ද ගා ස්නානය කිරීම මැනවි.
රැකීරක්ෂා සඳහා පිටත්ව යෑම
අප්‍රේල් මස 18 වන බදාදා පූර්ව භාග 06.22ට පලාවන් පැහැති වස්ත්‍රාභරණයෙන් සැරසී කිරිබත් හා හකුරු මිශ්‍ර ආහාරයක් අනුභව කර බටහිර දිශාව බලා රැකිරක්ෂා සඳහා පිටත් ව යෑම මැනවි.
සේවා අවශ්‍යතා සඳහා රැකියාවට පිටත්ව යෑම
අප්‍රේල් මස 16 වන සඳුදා පූර්ව භාග 06.31ට සුදු පැහැති වස්ත්‍රාභරණයෙන් සැරසී කිරිබත් හා තල මිශ්‍ර ආහාරයක් අනුභව කර දකුණු දිසාව බලා රැකී රක්ෂා සදහා පිටත් ව යෑම මැනවි.
සැ.යු. ඉහත නැකැත් වේලාවන් දැනට සම්මත ඔර්ලෝසු වේලාවෙන් සකස් කර ඇත්තේ සංස්කෘතික කටයුතු දෙපාර්තමේන්තුවේ අනුග්‍රහය ඇතිව සිංහල අලුත් අවුරුදු නැකැත් කමිටුව විසිනි. මෙම වේලාවන් ශ්‍රී ලංකාවේ සියලු ප්‍රදේශවලට නොවෙනස් ව භාවිත කළ හැකිය.
rMml vr`Óçy
rNËó ]m` sm`jy sAì[`ny krn
]m` bKmh u@]l
a@×L 16 qvs Õr` vr`Óçy v#V iSmW@WÙ....
No comments:
Post a Comment